მარკო პოლოს ნაკვალევზე

დღე 1. თბილისში ჩამოსვალა. აეროპორტში დაგხვდებათ კონკორდ თრეველის წარმომადგენელი. ღამისთევა თბილისში, სასტუმროში.

დღე 2. თბილისის ღირსშესანიშნაობების ტური. დღის განმავლობაში ნახავთ ნარიყალას ციხესიმაგრეს, რომელიც ქალაქის მთავარ ციტადელს წარმოადგენს. იგი თარიღდება მე-4 საუკუნით, მეტეხის ეკლესიას, რომელიც მე-13 საუკუნისაა, იგი ცენტრალურ გუმბათოვან არქიტექტურულ სტილს განეკუთვნება.
ლანჩის შემდეგ თბილისის უძველესი კულტურული ძეგლის-ანჩისხატის მონახულებასაც შეძლებთ. იგი თარიღდება მე-6 საუკუნით, რომელსაც პირვანდელი სახე კარგად აქავს შემონახული. ასევე მოინახულებთ სიონის საკათედრო ტაძარს. ტაძრის დღევანდელი სახე მე-13 საუკუნით თარიღდება, თუმცა გარკვეული ცვლილებები შეტანილ იქნა მე-17-19 საუკუნეებში. ელიას მთაზე მოინახულებთ საქართველოს უდიდეს და უმღლეს საკათედრო ტაძარს-სამების ეკლესიას. მისი მშენებლობა დაწყებული იქნა გასული საუკუნის 90-იან წლებში.
დღის განმავლობაში დაუვიწყარი შთაბეჭდილებებით დატვირთვის შემდეგ, უპრიანი იქნებოდა თბილისის ძველ უბანში მდებარე გოგირდის აბაზანების მიღება და განტვირთვა. ღამისთევა თბილისში, სასტუმროში.

დღე 3. დღეს ესტუმრებით საქართველოში ღვინით განთქმულ რეგიონს-კახეთს. პირველად შეივლით ბოდბის მონასტერში, სადაც საქართველოს განმანათლებლის წმინდა ნინოს საფლავია. ბოდბის მონასტერი მე-11ს-ით თარიღდება. ასევე ეწვევით პოეტ ალ. ჭავჭავაძის სასახლეს წინანდალში. აქვე შესაძლებლობა გექნებათ დააგემოვნოთ ქართული კერძები და ღვინო. გამგზავრება და ღამისთევა თელავში.

დღე 4. დღეს შესაძლებლობა გექნებათ მოინახულოთ და გაეცნოთ უძველეს ქართულ კულტურულ ძეგლებს, როგორიცაა: გრემის საეკლესიო კომპლქსი (მე-16ს.); იყალთოს სამონასტრო კომპლექსი (მე-15-17სს.); შუამთას საეკლესიო კომპლექსი (მე-6-8სს.) და ალავერდის ეკელსია (მე-11ს.) ღამისთევა თელავში.

დღე 5. გამგზავრება საქართველოს პატარა ისტორიულ-გეოგრაფიულ რეგიონში-ხევში. გზად ესტუმრებით საქართველოს უძველეს დედაქალაქსა და მუზეუმს ღია ცის ქვეშ-მცხეთა. აქ მოინახულებთ სვეტიცხოვლისა (მე-11ს.) და ჯვრის (მე-6ს.) უძველეს ეკლესიებს. გზად ასევე ნახავთ მე-17ს-ის ანანურის სამონასტრო კომპლექსს. სადილი ღია რესტორანში. ღამისთევა მაღალმთიან კურორტზე გუდაურში ან კიდევ ყაზბეგში.