ექსტრემალური ტურები                                     

ყველაზე საინტერესო გამოქვაბულები კვაკასიაში არის საქართველოში. მათ შორისაა მსოფლიოში ყველაზე ღრმა გამოქვაბული ვერონია, აფხაზეთში 1710 მ. ეს მღვიმე მდებარეობს საქართველოს ცვალებად საზღვარზე და ამიტომ ძნელად მისაწვდომია. საქართველო მდიდარია ბუნებრივი ძეგლებით, მათ შორის ტურისტებისათვის ყველაზე პოპულარული პროგრამები აუცილებლად მოიცავს სათაფლიასა და დმანისს.

სათაფლია 9 კმ-ის დაშორებით ქუთაისის ჩრდილო-დასავლეთით დაცულ ტერიტორიაზე მდებარეობს, სადაც 354 ჰა-ზე არის კოლხეთის ტყის ნაკრძალი. აქვეა კარსტული მღვიმეები და დინოზავრის უამრავი ნაკვალევი, რომელიც ზღვის დონიდან 300მ-ზე მდებარეობს.

თბილისიდან სამხრეთით 60 კმ-ზე მდებარეობს დმანისი, შუა საუკუნეების ქალაქის ტერიტორიაზე, სადაც აღმოჩენილი იქნა ადამიანის თავის ქალები, რომლებიც თარიღდება 1.7 მილიონი წლით. მიუხედავად იმისა, რომ საქართველო მდიდარია ციხესიმაგრეებით, კოშკებით, ეკლესია-მონასტრებით, კლდეში ნაკვეთი ქალაქები მაინც ერთ-ერთ მთავარ ღირსშესანიშნაობად რჩება.
საქართველო ამაყობს სამი უნიკალური კლდეში ნაკვეთი ქალაქით: უფლისციხე, დავით გარეჯი და ვარძია. სამივე საქართველოს სხვადასხვა მხარეში მდებარეობს და სხვადასხვა დროს იქნა გამოკვეთილი. ყველაზე ძველი-უფლისციხე თარიღდება ჩვ. წ. აღ. 1 ათასწლეულით. და ამასთანავე აბრეშუმის გზის ერთ-ერთი წერტილს წარმოადგენს. აქ დღესაც ჩანს იმ გზის ნაწილი, რომელიც ქარავნებმა გაიარეს.

დავით გარეჯის მღვიმე და სამონასტრო კომპლექსი დაარსდა მე-6 საუკუნეში. ის ნახევრად უდაბნოს ტერიტორიაზე მდებარეობს, რომელიც 19 სამონასტრო კომპლექსისგან შედგება. კლდეში ნაკვეთი ქალაქი-ვარძია დაარსებული იქნა მე-12 საუკუნეში, ერთდროულად როგორც საერო, ისე სასულიერო ქალქი, რაც კარგად ასახავს ოქროს ხანის საქართველოს სურათს. აქ ასევე არის წარმოდგენილი ეკლესიები, სადაც კარგადაა შემორჩენილი ძველი ფრესკები, ღვინის მარნები და ასობით უძველესი საცხოვრებელი.